വഴിയോരക്കാഴ്ചകള്‍

വഴിയേറെയുണ്ട് പല കാതമിനിയും,

നിനവേറെയുണ്ട് നിറയുന്ന മനസ്സില്‍. 

വഴിയോരമായ് സ്വപ്‌നങ്ങള്‍ പലതും

വഴിവെട്ടമായ് കൂട്ടുനില്‍ക്കുന്നു.

നീയും. . . കാറ്റേ

കാറ്റൊരു കൂട്ടിക്കൊടുപ്പുക്കാരനത്രേ.

അല്ലെങ്കില്‍,

മലമുകളില്‍ പൂത്ത പൂവിനെ തേടി

താഴ്വരയിലെ വണ്ട്‌ വരില്ലായിരുന്നു. 

ഒരു കുടക്കീഴില്‍

വാര്‍ന്നൊലിക്കുന്ന മഴയില്‍ കുടയിലിടം തന്നത്,

ഒരു പുഞ്ചിരിക്ക് വേണ്ടിയാണ്.

തണുത്തുറഞ്ഞ കൈവെള്ളയില്‍ കൈ ചേര്‍ത്തത്

ജീവന്‍റെ ചൂടറിയിക്കാനും. 

രണ്ടിടങ്ങളിലും പൂത്തത് കരുതലാണ്, പ്രണയമല്ല.