ബാല്യത്തില്,
അവളുടെ കുപ്പിവളക്കൈക്കുള്ളിലെ മഷിത്തണ്ടിന്റെ
നനവായിരുന്നു എന്റെ പ്രണയം .
കൌമാരത്തില് ,
പരസ്പരം എല്ലാമറിഞ്ഞിട്ടും പറയാതെ -
മാറ്റിവച്ചൊരാ വാക്കുകളായിരുന്നു എന്റെ പ്രണയം.
യൌവനത്തില് ,
അവളുടെ പ്രാരബ്ധത്തിന് വിയര്പ്പുത്തുള്ളിയായ്
മാറിയെന്റെ പ്രണയം.
വാര്ദ്ധക്യത്തില് ,
അവള് ചുണ്ടോടു ചേര്ത്തോരാ ഗുളികത്തുംബി-
ലുറങ്ങിയെന്റെ പ്രണയം.
അവസാനം പട്ടടയില് എരിഞ്ഞടങ്ങുബോള്,
അവള് തന് കണ്ണില്നിന്നുതിര്ന്നു വീണോരാ -
അശ്രുബിന്ധുവില് എന്റെ പ്രണയം മരിക്കുന്നു.
0 അഭിപ്രായങ്ങള്:
Post a Comment