കാലമേ . . . നിനക്ക് പ്രണാമം

ഓര്‍മ്മകളുടെ മാറാപ്പുമായി, മറവിയുടെ –

മാറാല പിടിച്ച ഇടവഴിയിലേക്കൊരു മടക്കയാത്ര.

പിന്നിട്ട വഴികളില്‍ പതിപ്പിച്ച

കല്പാടുകള്‍ക്കായ് ഒരു തിരച്ചില്‍.

വൈകിയറിഞ്ഞു അതൊരു  വിഫലശ്രമമാണെന്നു.

കാരണം -

ജീവിതമെന്ന മഹായാനത്തിലായ്-

ഞാന്‍ പതിപ്പിച്ചോരാ കാല്പ്പാടുകളെല്ലാം

വികൃതിയാം പ്രകൃതി

തകൃതമായ്‌ മാച്ചു കളഞ്ഞിരിക്കുന്നു.

ഇന്ന് ഞാനൊരു ഏകാന്ത പഥികന്‍.

പ്രിയപ്പെട്ടവര്‍ക്ക് പോലും സുപരിചിതനായൊരു അപരിചിതന്‍.

കാലമേ  . . .  നിനക്ക് പ്രണാമം . . .