കാലാതീതര്‍

കാലത്തിനപ്പുറം പോയവരെല്ലാം 

സ്നേഹം കൊണ്ടു മറ്റുള്ളവരെ തോല്‍പ്പിച്ചവരാണ്.

ഉണങ്ങാത്ത മുറിവായ്,മായാത്ത അടയാളമായ്

വേദനയിലും അവര്‍ നമ്മെ പുഞ്ചിരിപ്പിച്ചു കൊണ്ടിരിക്കും.

തൂലികത്തുംബ്

ഇരുളു പടര്‍ന്ന മേശ വലിപ്പിനുള്ളിലെവിടെയോ 
മണമുള്ള മഷി നിറച്ച പേനയുണ്ട്.
നിനക്കേറെയിഷ്ടപ്പെട്ട വരികള്‍ പെറ്റിട്ട 
ആ പഴയ പേന.

നൊസ്സ്

ചിരിക്കാന്‍ മറന്നവരോടുള്ള-
ഉടയോന്‍റെ ഓര്‍മ്മപെടുത്തലത്രേ, 
നൊസ്സ് ! ! !

മായുന്ന ഓര്‍മ്മകള്‍

ഒരു വിളിക്കപ്പുറത്തേക്ക് 
കൂടെയിറങ്ങി വരുന്ന 
കുറെ ഓര്‍മ്മകളുണ്ട്.
പരാജയപ്പെട്ട ഒളിച്ചോട്ടങ്ങളെ പോലെ
അല്‍പ്പായുസ്സുക്കളാണവയെല്ലാം.

ഇനിയും മരിക്കാത്ത പുഷ്പം

ചൂടാതെ പോയ പൂക്കള്‍ പലതും

വാടാതെ നിന്നു സുഗന്ധം പരത്തുന്നു.

അനന്തമാവട്ടെ ഈ യാത്ര

യാത്ര കഴിയും വരെ മാത്രം

സൂക്ഷിച്ചു വയ്ക്കുന്ന

ബസ്‌ ടിക്കറ്റുകളാണ് 

നമ്മളില്‍ പലരും.